|
#1
|
||||||||||
|
||||||||||
ليلى الحلبية و الذئب
كانت ليلى ماشية بالغابة بنص الليل و رايحة لعند نانتا مثل في كل الحكايات !
والذئب ( المسكين ) وقفها لليلى وسألها لوين رايحة يا ليلى ؟ ! وردت عليه ليلى : وانت اش دخلك ولاك بهيم … اش عبتساوي هون بنصاص الليالي ؟؟؟ وليش عبتسألني لوين رايحة ؟؟ ولي عليك حيوان .. ان شاء الله بتعفسك سيارة بلا نمرة وبلا شوفير يا رزيل يا مبهدل يا قليل الحيا ما عندك خوات كني … صحي قليل حس ووقح … تفو عليك ومسكت ليلى الذئب من ادنو وشلفتو 7 متار وتابعت المسير لعند نانتا !!! هون .. الذئب لقاها كبيرة كتير بحقو وقال لحالو: هلق بنت فصعونة مابتطلع بطول أجري تشرشحني هيك بفصط الغابة قدام الحيوانات الرايحة واللي جاي وأنا الذئب ضروب وطراح .. طيب يا ليلى .. إذا ما بفشل حنكك وإيه المهم يا سادة يا كرام .. راح الذئب أخد تكسي وطيران على بيت نانتا لليلى مشان يصل قبلا . دق الجرس . قامت سألت العجوز اللي ورا الباب : مينو هاد عبيدق علي الباب ؟ جاوب الذئب : أنا ليلى.. افتحيلي نانا. وأول ما فتحتلو الباب طلع فيها بنظرة شريرة من طرف عينو وقلا : يبلاكي بقتلك شقدك جدبة مين ما قلك انا ليلى بتفتحيلو .. لكن شلون بيقولو عليكي ذكية وحربوقة ؟؟ (تسائل الذئب) وركد وراها من غرفة لغرفة من غرفة لغرفة وهي عبتصييح وتولول …. وكل ما تجي بدها تفتح تمها لتحكي، ينسفا الذئب كف على تما … وبالأخير حصرها بزاوية القوضة وقلها : حاج تبعقي ختيارة الجن …. وأكلا. وفي نفس اللحظة أنفتح باب المصعد وظهرت ليلى وقد سمعت ولاويل وعياط طالعين من البيت وباب صقاق مفتوح فـنطت نط لجوا البيت وشافت الذئب بعدما أكل الجدة المسكينة . فخاطبها الذئب مستهزئاً : ديه ورجيني إش دا تعملي هلق .. هههههههه وردت عليه ليلى وقد تطاير الشرر من عينيها : إيه انا اللي بورجيك يا صقاقي يا لقلوق . وطالعت ليلى من تحت البلوزة على خصرها جنتيانة بطول 20 سم وشرحت الذئب وقطعتو تقطيع حتى طالعت نانتها من بطن الذئب . وهون آخيو كانت المفاجأة لما صرخت ليلى : نانااااااااااا …. لعمى أنتي مانك نانتي!!! .. منو انتي وأش عبتساوي هون ؟؟ وأجابت العجوز بدهشة : عرفتك .. مو أنتي ليلى بنت بنت جارتي أم عبدو اللي بالطابق الرابع؟ فأجابت ليلى متسائلة : ليش نحن بإينا طابق ؟ وردت العجوز : هاد الطابق التالت … بس الأصنصور متشرك وبدال ما يطلع عالطابق الرابع عبيوقف بالطابق التالت . فأجابت ليلى معتذرة : ييه عدم اللامؤاخذة حجة .. بس ما أكون أزعجتك مزبوط أنا ليلى وجيي عند نانتي .. بس معناتا كل الحق عالأصنصور … كرمال النبي ما تواخذيني ياحجة .. وهلق بنظفلك البيت وبخليه متل الليرة وقامت ليلي بتنظيف البيت من جثة ودماء الذئب ووضعتها في كيس الزبالة وشلفتو من عالبلكون (حفاظاًَ على التقاليد) وثم أخذت ليلى سلتها ودخلت في المصعد متوجهةً إلى بيت نانتا . و توتة توتة . خلصت الحتوتة. أنا اللهـــــــــــــــــــــيب .... وأنا الهـــــــــشيـــــــــــــــــم.... وبعضي يأكـــــل بعضي... فهلا حولـــــــــت وجهـك عنــــــــــي ... لكي لا يعمـيك دخانــــــــــــــــــي ........ |
اخر 5 مواضيع التي كتبها قلب فلسطين | |||||
المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
المنتدى كالانسـان | اوراق مبعثرة | 4 | 2258 | 05-03-2024 03:14 AM | |
جزء من النص مفقود كم كان عمرك حين سمعت كل عام... | اوراق مبعثرة | 3 | 1937 | 05-02-2024 11:02 PM | |
قبل ان تعصي | نفحات اسلامية | 2 | 1223 | 05-02-2024 07:42 PM | |
نسائم إيمانيـة الوقار عصارة الاخلاق | نفحات اسلامية | 3 | 1258 | 05-02-2024 05:52 PM | |
سؤال غريب لكن فيه الحكم | اوراق مبعثرة | 3 | 1647 | 04-19-2024 02:10 AM |
04-01-2024 | #2 |
|
رد: ليلى الحلبية و الذئب
الله يعطيكي الف العافية
على هذا الموضوع المميز قصة المميزة جدا ننتظر جديدك المميز ودي وتقديري واحترامي واعجابي وتقيمي ونجومي |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مرحبا بك معنا يا أحمد | تاج النساء | اهلا وسهلا بكم في حلب الشهباء الترحيب بكم | 1 | 03-19-2024 06:56 PM |
سورة محمد - ماهر المعيقلي | خالد الشاعر | علوم القرآن الكريم | 18 | 03-06-2024 06:58 PM |
الهلال يتعاقد مع حارس المرمى محمد الربيعي | مراسل حلب الشهباء | عالم الرياضة | 1 | 08-31-2023 10:04 AM |
محمد عبدالعزيز العجلان | حنو | شخصيات اسلامية تاريخية | 3 | 05-06-2023 06:14 AM |
مرحبا بك معنا يا احمد ممدوح محمد | admin | اهلا وسهلا بكم في حلب الشهباء الترحيب بكم | 2 | 04-25-2023 04:31 PM |