#1
|
|||||||||||
|
|||||||||||
انا صعيدى ولى عاداتى وتقاليدى
أنا ليا عاداتي وتقاليدي أصلي صعيدي اللي يروح مني بالقوة.. إتعلمت إنجيبه... بإيدي. واللي يقدرني بتقديري.. عمي وسيدي. واللي يحس اللي جوايا.. يبقى حبيبي. إتربيت وكبرت صعيدي. عمري منزعل م الأيام.. أصلي مآمن... إن اللي يصيبني... دا نصيبي. أصلي صعيدي... ويابخت اللي أساسه صعيدى. ****** إتربيت... إن الست عمود البيت. كان أبوي دايما يقولي يا ولدي.. مهما رحت ومهما جيت .. ومهما في براح أرض الله ... وفي الكون لفيت. عمرك يا وليدي م راح تسعد. إلا إذا كنت هترجع بيتك تلقى المسند. اللي عليه هتريح ضهرك.. واللي في وقت الحزن يا ولدي.. ينسيك قهرك. واللي لا يمكن هيكون طاهر... إلا بطهرك مرتك...أرضك!! وطنك...عرضك!! عامل ربك دايما فيها.. وهتديك كد متديها. ****** عارف ليه الست يا ولدي؟؟ لما تنادي حدانا لست!!!.. مكنتش تقولها يا فلانة.!!! ومهياش عن إسمها تايهة.. أو غفلانة. كانت لما تنادي عليها تقول...(مستورة). تعرف إيه معنى المستورة؟؟!!! المستورة أجمل صورة. شمعة وقايدة ف قلب قارورة. يبقى يا ولدي... اللي معاه شمعة يداريها. ميسيبهاش للهوا يطفيها. أو لنسيم غدار يلاعبها ويلعب بيها. ****** أنا دلوقتي فهمت كلامه. إن الزوجة الصالحة الطايعة ... حلم الراجل.... أكبر أصلا من أحلامه. وأنا عايزك بس يادوب ليا.. صالحة تقية.. طاهرة نقية.. سندي..بلدي..أرضي..عرضي.. لكن بشروطي وبعوايدي.. لازم ترضي. ****** أما يجيلك قال إيه ميشو..!! ويرسم على ضهرك تات توه... ياخي هاه هوه...!! يلعن أبوكي ويلعن أبوه. يلعن أفكارك لو عدت مرة عاداتي. واللي إتربينا عليه إنا وإخواتي. أنا ده طبعي وديه حياتي. لو قابلها ... كنت إنشيلك من فوق.. راسى لحد مماتي. ولو رافضاها تبقي إخترتي. وغواكي شيطانك وخسرتي . ولما تلاقي اللي بأفكارك دي ترضيه. أشبعي بيه.. الله يهنيكي ويهنيه. أما أنا واحد شايف إنك.. بالأفكار دي إنك بتلغيه. حتى إن كنتي أميرة في قصرك. حتى إن كان العصر دا عصرك. قلبي أنا قلب إتربى صعيدي... وأي صعيدي محال تلغيه. عمر المبدأ مبيتجزأ... ودا مبدأي وأنا عايش بيه. أصلي صعيدي... عايش بعاداتي وتقاليدي. ويا بخت اللي أساسه صعيدي. |
اخر 5 مواضيع التي كتبها سميرعثمان | |||||
المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
اجمل الذكريات العثمانيه | مساحتي الخاصة مدونات الأعضاء | 8 | 522 | 05-19-2024 08:37 PM | |
لعبه الشطرنج | متنفس آل حلب | 3 | 549 | 05-19-2024 08:34 PM | |
قصه واعجبتنى ليتنا نعلم ونتعظ ونتعلم | عالم القصة والرواية | 2 | 517 | 05-19-2024 08:31 PM | |
فوئد شرب الماء الساخن | الصحة و الطب والطب البديل• | 1 | 305 | 05-19-2024 08:26 PM |
منذ 2 أسابيع | #2 |
|
رد: انا صعيدى ولى عاداتى وتقاليدى
لو قالولك إنى بعشق حد غيرك .....!
صدقيهم. إوعى مرة تكدبيهم. دا إنتى أكتر حد عاشني.... ردى من قلبك عليهم. وإن مفهموش يعنى العشق والعشاق وحالهم... إنتى حاولى تفهميهم. وإن معرفوش يعنى إيه معنى المحبة..... إكسبى فيهم ثواب وعرفيهم. قولى مبيعرفش يكره.... إوصفينى زى ما إنتى بتشوفيني. عرفيهم عنى ما إعرفتيه عليا... زى ما إنتى بتعرفيني. قولى لما أزعل شويه.... كان بحنية يراضيني. |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|